I Santi Justina e Prozdòzemo (3/4)

SAN PROZDÒZEMO – Prozdòzemo, drio ła tradision, el sarìa stà un disèpoło de san Piero apòstoło che’l ło gavarìa nomenà véscovo. Partìo a proclamar el Vanzeło, el gavarìa convertìo łe zente de ła Sabina e de Rieti, par rivar inte un secondo momento inte ła Venetia, deventando el primo véscovo de Padoa e de Acuiłeja. Ła só fegura ła ze łigà anca a’l Bełuneze, a’l Feltrin e a l’Alto vizentin. Poco A se sa in realtà de ła vita e de l’asion de ‘sto santo. Probabilmente el zera grego (łe só biografìe łe dize de Antiochia, in pì el só nome in grego el sinjìfega “el spetà”) e el ze visùo inte’l I sècoło d.C., morendo verso el 100. Par cuanto che no podemo mìa conósar co presizion ła só atività de evanzełizador, łe numaroze tradision łigàe a’l santo łe ne ìndega comuncue che l’è stà el prinsipałe promotor de na prima convarsion de łe zente venete a’l Cristianézemo.

Da’l Łunaro Veneto 2022, Apriłe in 4 artìgołi:

  • APRIŁE/1 – SANTA JUSTINA
  • APRIŁE/2 – EL CULTO DE SANTA JUSTINA
  • APRIŁE/3 – SAN PROZDÒZEMO
  • APRIŁE/4 – EL CULTO DE SAN PROZDÒZEMO
Dizitałizasion de’l testo de Apriłe 2022 de’l Łunaro Veneto 2022.
Reprodusion autorizà da Academia de ła Bona Creansa

Leggi altri articoli: