VENETIA – El nome <<Venetia>> el vol dir łetaralmente <<de i Veneti>>. El tèrmene, un descritor zeogràfego co na orìzene ètnega da’l nome Veneti, el ga avudo storegamente par vero tre estension areałe e donca tri senjifegadi difarenti pa’l steso senjifegante.
El primo storegamente el parla de <<Venetia>> cofà de tuta ła Rejon de insediamento de i Veneti, za inte’l tenpo de i Romani e prima.
El segondo, de èpoga medievałe, el parla de <<Venetia>> cofà teritorio redoto a ła costa e łe ìzołe, cueło restà soto l’Inpero Roman de l’Oriente.
El terso, par sinèdoche, el se refarise a ła Civitas Rivoalti, donca soło Rialto, cueła che ancó ciamemo <<Venesia>>. Donca, cuando ch’A se parla de <<venesiani>> A gavemo da tenjerse inamente che in èpoghe difarente i ze i abitadori de una o pì de una de ‘ste tre definision.
~
Da’l Łunaro Veneto 2021, Zenaro in 4 artìgołi:
- ZENARO/1 – ŁENGUA VENETA
- ZENARO/2 – VENETIA
- ZENARO/3 – ANDRÈA CALMO
- ZENARO/4 – EL SINCUESENTO
