Ła Cornaro Piscopia (2/4): PIANETA VÈNERE – CRATERE PISCOPIA

PIANETA VÈNERE, CRATERE PISCOPIA – Inte’l segondo pianeta de’l Sistema Sołare A se cata un cratere de 26 km de diàmetro dedegà a ła dotora veneta Ełena Łucresia Corner Piscopia (Venesia, 1646 – Padoa, 1684), che ła ze recordà par èsar ła prima dona łaureà a’l mondo, par de pì inte na univarsità veneta.

A i nove boti de’l 25 zunjo de’l 1678, a Pava, ła Piscopia ła jera stà proclamà “magistra et doctrix in philosophia“.

‘Sta toza fin da picenina ła se gavéa demostrà un prodizo inte i studi e donca só pare, omo colto e savio, el ła gavéa senpre incorajada a seitar un parcorso acàdemego, contrariamente a’l pensiero dominante de l’època che’l tendéa a ténjar fóra łe fémane da i studi e da l’insenjamento.

Ła fama de ła Piscopia ła se gavéa consołidà in tuta ła Venetia, in Itałia e anca in Fransa e Zermania ma, maldestin, ła dotora ła ze morta zóvane a trentaoto ani par via de ła tubercołoze.

~

Da’l Łunaro Veneto 2019, Zenaro in 4 artìgołi:

  • ZENARO/1 – Na paroła: ŁÀUREA
  • ZENARO/2 – Un posto: PIANETA VÈNERE – CRATERE PISCOPIA
  • ZENARO/3 – Un parsonajo: ROZALBA CARIERA
  • ZENARO/4 – Un evento: ŁA PRIMA UNIVARSITÀ VENETA (e no ła ze mìa Padoa!)
Dizitałizasion de’l testo de Zenaro 2019 de’l Łunaro Veneto 2019.
Reprodusion autorizà da Academia de ła Bona Creansa

Leggi altri articoli: