Ła guera de Cùrsoła (3/4)

ŁA GUERA DE CÙRSOŁA (3/4): ła bataja de Cùrsoła – El confronto pì sinjifegadivo el càpita, parò, da rente a l’ìzoła dàlmata de Cùrsoła, inte’l 1298. Ła flota zenoeze de Lamba Doria, anca se inferiore de nùmaro, scondendo dełe nave drio l’ìzoła par farle vènjar fora inte un secondo momento drio ła formasion nemiga, ła ze bona de sconfìzar cueła venesiana de Andrèa Dàndoło sircondàndoła e cavàndoghe onji posibiłità de manovra. Ła bataja ła ze recordà par ła só partegołare viołensa e ła conporta pèrdite grave par i venesiani (soło 11 gałèe de 95 łe torna in łaguna), par cuanto che anca i zenoezi no i se cate mìa in condision de seitar co i scontri. Tra i tanti prezonieri venesiani A ghe ze anca Marco Poło (che’l detarà ła só òpara in prezon).