ŁA PAZE – ła vitoria veneta a Seteposi ła spenze l’inperador bizantin a dimandarghe ła paze a Venesia e A se riva tra łe do potense a na tregua de sincue ani. Ma ła guera co Zenoa ła sèita fin che A no se riva a ła vitoria veneta inte ła bataja de Tràpani de’l 1266, ndove che ła flota łìgure, sepur supariore in nùmaro, ła vien caturà tuta intiera. Terminài i scontri co Zenoa e finìi anca i sincue ani de tregua co l’inpero bizantin, ła vien firmà ła paze co’l tratado de Cremona inte’l 1270. Venesia ła ze stà bona de conservar ła só pozision de forsa e i só domini, ma no ła ze bona de ełimenar conpletamente l’influensa zenoeze in Oriente, che se ła se reduze de tanto in Terasanta ła se fa pì sòłida inte i teritori bizantini. In recordo de ła vitoria inte ła guera, da ła cieza de San Saba A vien portàe do cołonete inte ła bazéłega marciana.
Da’l Łunaro Veneto 2022, Novenbre in 4 artìgołi:
- NOVENBRE/1 – SAN SABA, ŁE CÀUZE
- NOVENBRE/2 – SAN SABA, SCONTRI IN TERA SANTA
- NOVENBRE/3 – SAN SABA, ŁA CAJÙA DE L’INPERO ŁATIN
- NOVENBRE/4 – SAN SABA, ŁA PAZE
