ŁA <<MARCIANA>> – Inte’l 1468, el cardinałe grego Besarion el ga desizo de donar ła só rancura granda de łibri, ospità inte’l Pałaso Dogałe soto ła cura de i Procuradori de San Marco.
Par védar conpìo el projeto de na gran Biblioteca veneta, A se spetarà el Doze Andrea Griti che el ghe darà l’incargo a Jàcopo Sansovin de scomisiar i łaori par ła łibrarìa de San Marco inte’l 1537.
L’òpara ła ze stà termenà inte’l 1570 da Vinsenso Scamosi. Za inte’l 1560 ła łibrarìa ła ze stà mesa in funsion e co’l tenpo ła sa ga zgrandìo par via de tante donasion e anca par efeto de na łeje veneta de’l 1603 che ła fisava l’òbligo par i stanpadori de donarghe na copia de onji novo łibro publegà .
El bibliotecaro el venjeva sernìo tra i patrisi e afiancà da un custode istruìo che’l se ocupava de reordenar i łibri, iscrìvarli so un catàłogo e vèrzarghe ,a biblioteca a i studiozi.
~
Da’l Łunaro Veneto 2020, Łujo in 4 artìgołi:
- ŁUJO/1 – ŁA <<MARCIANA>>
- ŁUJO/2 – ŁA CARTIERA DE VAS
- ŁUJO/3 – ALDO MANUZIO
- ŁUJO/4 – 1494: ACADEMIA ALDINA
