ALDO MANUZIO – L’è stà Aldo Manusio (Basian, Łasio, 1449 – Venesia 1515) uno de i primi editori in senso moderno de Europa. El studia łatin Roma e grego a Ferara co Varin da Verona.
Inte’l 1490 el se trasferise a Venesia par preservar łetaradura e fiłozofìa grego-łatina co ła stanpa, sfrutando i priviłeji fornìi da ła Repùblega e da ła cieza łocałe.
Inte ła Biblioteca Marciana, A jera conservà na mota de manoscriti e còdezi greghi, che i rendeva ła sità el sentro pì inportante pa’l studio de i clàseghi (a Venesia i se gavéa salvà tanti grehi co’l só patrimonio łibrario, dopo de ła cascada de l’Inpero Roman de Oriente).
El ga teorizà el corsivo itàłego (pì łezìbiłe de’l gòtego), inventà i łibri da scarseła (formado in otavo), sistematizà ła pontejadura fisando règołe pì definìe e introduzendo el ponto e vìrgoła.
~
Da’l Łunaro Veneto 2020, Łujo in 4 artìgołi:
- ŁUJO/1 – ŁA
- ŁUJO/2 – ŁA CARTIERA DE VAS
- ŁUJO/3 – ALDO MANUZIO
- ŁUJO/4 – 1494: ACADEMIA ALDINA
