1494: ACADEMIA ALDINA – l’Academia Aldina ła ze stà fondà inte’l 1494 da l’umanista e stanpador Aldo Manusio co’l fin de promóvar ła conosensa de ła cultura clàsega e traverso de ła stanpa de clàseghi greghi e łatini.
Fursi ła gavéa sede in Canpo Manin, par serti invese ła jera so un pałaso in rio terà secondo, ndove che ghe ze uncora deso na scrita so na łàpide: MANUZIA GENS ERUDITORUM NEM IGNOA HOC LOCI ARTE TIPOGRAPHICA EXCELLUIT.
L’academia ła ga acetà tanti scritori e umanisti conosùi asà, cofà Pietro Benbo, Ziròłamo Fracastoro, Joani Batista Ramuzio,e Erazmo da Roterdam che el ga curà parsonalmente l’edision de i só “adagia”, stanpài inte’l 1508. Durante łe reunion i partesipanti i desideva onji volta che testi publegar.
L’Academia ła ga sarà l’atività inte’l 1515, cuando che’l ze morto el só fondador.
~
Da’l Łunaro Veneto 2020, Łujo in 4 artìgołi:
- ŁUJO/1 – ŁA
- ŁUJO/2 – ŁA CARTIERA DE VAS
- ŁUJO/3 – ALDO MANUZIO
- ŁUJO/4 – 1494: ACADEMIA ALDINA
