Ła stanpa ła nase Feltre (4/4): EL CORAN DE I PAGANINI

IL CORAN DE I PAGANINI – Inte’l 1538 A ze stà pubregà a Venesia ła prima edision a’l mondo de’l Coran reałizada grasie a ła stanpa a caràtari mòbiłi inte ła stanparìa Ad signum putei de proprietà de i fradełi Paganino e Alessandro Paganini da Bresa.

Stanpar e véndar el Coran el gavarìa podesto farli deventar siori, invese proprio da’l 1538 ła stanparìa ła ghe ła moła de oparar. Fonte pòstume łe referise che Alessandro Paganini el fose ndà a Costantinòpołi par mostrar el łibro a’l sultan.

A pararìa che ‘sta roba no ła sie stà gradìa: el jera stanpà e nò manoscrito, el jera prodoto da un infedełe e pardepì l’òpara ła jera piena de erori. El sultan el gavarìa fato ndar a fondi ła nave co tute łe copie a bordo. Sparìa par sècołi, l’òpara ła ze venjùa fora da novo de resente, inte’l 1987, inte ła Biblioteca de San Miciel Ìzoła.

Inte i stesi ani A venjeva pubregà a Venesia anca el primo łibro in łengua armena e el primo Talmud, che da ròdoło el ze stà trasformà in łibro, co na inpazenasion che ła ze restada conpanja par sècołi.

~

Da’l Łunaro Veneto 2019, Marso in 4 artìgołi:

Dizitałizasion de’l testo de Marso 2019 de’l Łunaro Veneto 2019.
Reprodusion autorizà da Academia de ła Bona Creansa

Leggi altri articoli: