BATAJE E SCONTRI DE’L SETESENTO – Pochi i conose łe bataje grande conbatùe inte’l Setesento da l’Ezèrsito Veneto. A basta recordar par ezenpio ła bataja de Corfù de’l 1716-1717 durante ła sètema guera veneto-turca; anca dita ła seconda guera de Morèa (1714-1718), ndove che 70.000 Turchi de l’Ezèrsito Otoman i ga tentà de concuistar l’ìzoła ałora presidià da suparzó 5.000 fanti veneti. Cuà a ła fine de’l sidio i Otomani i łasarà so’l canpo pì de 5.000 morti e 20 stendardi contro pena 400 morti veneti. O ła spedision navałe inte’l 1784 conduzesta da l’Amirajo Ànzoło Emo contro de’l Bei de Tùnizi finìa co el bonbardamento de’l forte de Suza. Na glorioza pàzina de Storia Veneta ła ze stà scrita inte’l 1797 co ła turba popołar conosùa co’l nome de Pascue Veroneze cuando che ła sità de Verona e l’Ezèrsito Veneto i ga dato proa de’l só vałor conbatendo contro de’l nemigo jacobin franseze.
Da’l Łunaro Veneto 2022, Zunjo in 4 artìgołi:
- ZUNJO/1 – BATAJE E SCONTRI DE’L SETESENTO
- ZUNJO/2 – ŁE PASCUE VERONEZE
- ZUNJO/3 – STORIA DE’L XVI REZIMENTO TREVIZO 1706
- ZUNJO/4 – REÓRDENO DE L’EZÈRSITO
