ŁE PASCUE VERONEZE – Dopo sècołi sensa guere in tera veneta, ndove che ła popołasion ła godéa de un parìodo łongo de trancuiłità miłitar che i stòreghi i ga defenìo pax veneta, paze veneta, A ze co Napołeon che łe robe łe se mua, in presa e in pezo. Inte ła rezistensa veneta contro de i Napołeòneghi, a San Màsimo (VR) ła trupa veneta soto el comando de’l Cołoneło Ferro conponesta da 500 fanti de’l XVI Rezimento Trevizo, 250 Dragoni a cavało e un Rezimento de Sciavoni (el Rezimento Medin) ła ze stà bona de fermar el vénjar vanti de i fransezi e, dopo de sanguinozi conbatimenti, ła ze tornà rento Verona co 150 prezonieri. Altre bataje inportante łe ze stàe cueła de Dezensan (Bresa) ndove che’l Zenarałe Maffei dopo de na vitoria inisiałe el se ga catà a retirarse verso Verona, cueła de Sałò (Bresa) ndove che anca cuà l’Ezèrsito Veneto el ga dato proa de’l só vałor contro de i Napołeòneghi.
Da’l Łunaro Veneto 2022, Zunjo in 4 artìgołi:
- ZUNJO/1 – BATAJE E SCONTRI DE’L SETESENTO
- ZUNJO/2 – ŁE PASCUE VERONEZE
- ZUNJO/3 – STORIA DE’L XVI REZIMENTO TREVIZO 1706
- ZUNJO/4 – REÓRDENO DE L’EZÈRSITO
