STORIA DE’L XVI REZIMENTO TREVIZO 1706 – A no se sa mìa tanto sora de ła orìzene efetiva de’l Rezimento Trevizo, ma A se pensa che da un sciapo de Sèrnide (vołontari paezani) e Mersenari de’l Cuatro-Sincuesento A se gapie trato łe baze par far su un ezèrsito regołar par deféndar ła sità. L’òbligo ofisiałe de formar un Rezimento a Trevizo el se ga ’vùo za vanti de ła prima guera de Morèa. A ghe ne fazeva parte escluzivamente òmeni de ła Marca Trevizana e ła médema règoła ła ze stà doparà par i rezimenti de Verona, Padoa e Rovigo. El Rezimento el zera senpre stà sostenjùo inte łe speze da ła mèdema provinsa. El Rezimento (a chel tenpo A no se doparava mìa ’sto tèrmene) el zera prezente a ła prima guera de Morèa e el Capitan Zenarałe Fransesco Morozin el ło ga fondesto co łe conpanjìe de Verona, Padoa e Rovigo formando cusì el I Rezimento Veneto Real.
Da’l Łunaro Veneto 2022, Zunjo in 4 artìgołi:
- ZUNJO/1 – BATAJE E SCONTRI DE’L SETESENTO
- ZUNJO/2 – ŁE PASCUE VERONEZE
- ZUNJO/3 – STORIA DE’L XVI REZIMENTO TREVIZO 1706
- ZUNJO/4 – REÓRDENO DE L’EZÈRSITO
