REÓRDENO DE L’EZÈRSITO – Ła fuzion de i vari Rezimenti inte’l Veneto Real ła ze capità par do sénplisi motivi: łe trupe co pì ofisiałi łe zera difìsiłe da zestir e portar in łinea. El Morozin vedendo i Sàsoni che i doparava za rezimenti de 500-800 òmeni el ga aplegà el steso prensipio. Tute łe sità de ła Teraferma cofà Bèrgamo, Bresa, Verona, Padoa, Visensa, Rovigo e Trevizo łe gaveva da èsar bone de fornir almanco 500 òmeni pì i Ofisiałi in cazo de nesesità, e l’è stà senpre el Morozin che dopo de ła guera de Candia verso el 1680 el ga scomisià el primo vero tentadivo de reordenar l’Ezèrsito Veneto. Defati cofà tanti ezèrsiti europèi inte’l Setesento anca el Stato Veneto el ga spartìo łe trupe venete da i mersenari e inte’l 1706 A ghe ze stà l’Istitusion de’l Rezimento Trevizo cofà infantarìa de łinea co’l renovo de l’ezèrsito fato da’l Feldmaresało Zenarałe el Conte Stenau, mejorà drioman co łe inovadive reforme de’l Feldmaresało Matthias Von Der Schulenburg.
Da’l Łunaro Veneto 2022, Zunjo in 4 artìgołi:
- ZUNJO/1 – BATAJE E SCONTRI DE’L SETESENTO
- ZUNJO/2 – ŁE PASCUE VERONEZE
- ZUNJO/3 – STORIA DE’L XVI REZIMENTO TREVIZO 1706
- ZUNJO/4 – REÓRDENO DE L’EZÈRSITO
