Marsiłio da Padoa (1/4)

El Defensor – Marsiłio el ze stà un fiłòzofo, mèdego e teòłogo pavan visùo intrà i sègołi XIII e XIV. Par primo el ga studià Padoa, par po’ móvarse verso Parizi, ndove che’l ga conosesto Zuane de Jandun, che co łu el sconpartirà ła nàsita ideołòzega de’l Defensor pacis, ła só òpara pì nota onde che vien critegà el poder tenporałe de ła Ceza e che ła ło costrenzarà deféndarse da łe scomùneghe papałe. Defati, pena che’l ga termenà el Defensor inte’l 1324, Marsiłio el va direto a ła corte de l’inperador Łodovigo el Bàvaro, łogo ndove che ło brincarà un decreto de condana de sincue propozision. Pur co ’sto fato, Masiłio el seitarà deféndar łe só teze anca co’l recorso a ła povartà fransescana, che defati ła prèdega el zlontanamento da ła tera par abrasar el sieło.