Piero de Àbano (1/4)

UN PROTAGONISTA PAVAN – Fiłòzofo, siensià, mèdego, ma soradetuto astròłogo, Piero de Àbano el ze stà na fegura inportante e asè renovadora inte’l panorama culturałe e sientìfego europèo intrà i sècołi XIII e XIV. Ła só vita ła ze un fià un mistero, anca se savemo par serto che’l ze stà Parizi, che ła só univarsità ła zera ła pì nomà a łiveło europèo, e Costantinòpołi, ndove che’l ga podesto inpronfondir e voltar in łatin i manoscriti de Aristòtełe e Gałen. Ma A ze Padoa che l’insenjarà e che’l vivarà fin a ła fine de ła só vita: inte ła segonda metà de’l Duzento, defati, A ze par mèrito suo e de l’univarsità pavana che torna sparpanjarse par tuto l’Ocidente łatin łe òpare de Aristòtełe, deventando ponti de refarimento pa’ ła renàsita de’l só pensier.