EL “CONCILIATOR” E L’ASTROŁOZÌA – Łezendo el “Conciliator”, ła só òpara pì nota, A se capise da’l bon come che par Piero l’astrołozìa no ła sipie mìa, come che credemo nialtri deso, na roba stranja e fora da’l mondo. Pitosto eła ła reflete in manjera puntuałe l’órdene de ła natura. ’Sto fato el vol dir che i asendenti, i pianeti e i decani no i ze njanca mato enti che i sta par conto suo chisà ndove, ma che i ga pitosto na rełasion de sorta anałòzega co i sìngołi òmeni. Ła ze propio ’sta sorta de rełasion cuà che ła va detarminar in manjera ojetiva, e mìa zenarałe, tanto el caràtare che, soradetuto, i corpi. Par conseguensa A ghe ze na rełasion strucà intrà i astri e ła sałute e par forsa de robe anca intrà do siense che de primo intro łe par cusita foreste cofà l’astrołozìa e ła medezina.
Da’l Łunaro Veneto 2023, Febraro in 4 artìgołi:
- FEBRARO/1 – PIERO DE ÀBANO (1/4)
- FEBRARO/2 – PIERO DE ÀBANO (2/4)
- FEBRARO/3 – PIERO DE ÀBANO (3/4)
- FEBRARO/4 – PIERO DE ÀBANO (4/4)
