Piero de Àbano (4/4)

MIRÀCOŁI E RAZON NATURAŁE – Pena che’l mètodo de Piero de Àbano el se ga sparpanjà, A ze venjesto fora ràdeghi un drioman de cheł’altro co ła Ceza a’l ponto che’l ze stà condanà par erezìa da l’Incuizision, morindo fin che’l zera in gałera. Pa’l fato che ła sipie ła soła razon naturałe che ła pol dar spiegasion ojetive de i fenomeni naturałi, Piero el ga demostrà come che tuti i miràcołi no i sipie njanca mato efeti de calche entità soranaturałe. ’Sti fati, par raverso, i ga da èsar spiegài traverso de spiegasion enpirigamente osarvàbiłe, sparimentàbiłe e destrigàbiłe co’l soło dòparo de’l “conósar par càuze”. Isteso par i fenomeni sełesti, che łu el visina a l’omo pitosto che zlontanarli, e che i ze conpanjo cuota de ła natura e de łe só łeje.