Organizasion de l’Ezèrsito Veneto (1/4)

ŁE ORÌZENE – Łe sorte de ła Storia łe ga rendesto difìsiłe farse na idèa presiza de l’Ezèrsito Veneto durante tute łe èpoche, ma soradetuto inte ła fine de’l Setesento, cuando che l’invazion napołeònega ła ga desfà e ciapà rento tuto cueło che restava de łe forse armàe venete, conpreza anca ła memoria. Verso ła fine de’l Setesento el Senado el ga tacà reorganizar l’ezèrsito de ła Serenìsima Repùblega de San Marco co conseti pì pràteghi e moderni. Ła Serenìsima inte’l 1788 ła gavéa par man un ezèrsito conponesto suparzó da 30.000 unità co ła posibiłità de crésarghene el nùmaro doparando łe miłisie łocałe definìe anca “sèrnide”.