Organizasion de l’Ezèrsito Veneto (3/4)

RECLUTAMENTO E FORMASION (1) – El reclutamento de ła trupa veneta el capitava inte i mezi de novenbre, desenbre e zenaro e el zera curà da i Cai łeva, ła ferma màsema ła zera de 6 ani portà dopo a 9, i recuizidi rechiesti a łe rèclute i zera: ’ver na età tra i 16 e i 40 ani, na altesa mìa soto el metro e 60, èsar de fede catòłega e soradetuto no i gaveva da ’ver reportà nesuna condana penałe. Ła paga mensiłe ła zera de 8 ducati par el Sarzente e 4 ducati par el Fante. A ghe zera do Academie pa’ ła formasion de i Ofisiałi Veneti: a Zara pa’ ła Marina da guera, pa’ i Oltramarini (Sciavoni) e ła cavałarìa Croata, a Verona pa’ l’Artełiarìa, Infantarìa, Zenio e Cavałarìa. I corsi i prevedeva 6 ani de studio.