RECLUTAMENTO E FORMASION (2) – I gradi inte’l Ezèrsito Veneto i zera cuełi diti drioman: Feldmaresało che el ghe ze stà asenjà na volta soła a’l Schulenburg par l’eròega defeza de Corfù contro l’ezèrsito turco. Màsemo grado de l’Ezèrsito Veneto el zera cueło de Tenente Zenarałe paragonàbiłe a’l Cao de Stato Mazor de ancó, seità da’l Sarzente Mazor de bataja só jutador de canpo e de cołigamento. A ghe zera po’ 4 Sarzenti Zenarałi, spartìi respetivamente pa’ ła Teraferma, ła Dalmasia, el Golfo e el Łevante. Un grado partegołar che’l ghe spetava solche a i nòbiłi de Teraferma el zera el Brigadier Zenarałe che a só speze el gaveva da métar in arme 100 òmeni a cavało. I gradi i continuava po’ co Cołoneło, Tenente Cołoneło, Capitan e Tenente, ancora prezenti inte i ezèrsiti moderni.
Da’l Łunaro Veneto 2022, Majo in 4 artìgołi:
- MAJO/1 – ŁE ORÌZENE
- MAJO/2 – TERITORI E EZÈRSITO
- MAJO/3 – RECLUTAMENTO E FORMASION (1)
- MAJO/4 – RECLUTAMENTO E FORMASION (2)
