Sipion Mafèi (1/4)

EL POŁÌTEGO – Nòbiłe veroneze nasùo inte’l 1675, Sipion Mafèi el ze stà una de łe figure prinsipałe de l’època preiłuminista e iłuminista in area veneta. Da’l ponto de vista połìtego e sosiałe el ga sostenùo na idèa de aristocrasìa colta e inpenjà, responsàbiłe de ła guida de’l stato. El só pì inportante scrito połìtego l’è stà el “Suggerimento per la perpetua preservazione della Repubblica di Venezia”, inderisà a i patrisi venesiani parché i ghe consentise l’aceso a’l Mazor Consejo a un serto nùmaro de nòbiłi de Teraferma, in cuałità de raprezentanti de łe só sità, parmetendo cusì na pì łarga raprezentadività de i teritori de ła Repùblega. El Mafèi, inte łe só vizion, el se ispirava a ła contemporanea realtà ingleze e a ła Roma republegana de età antiga.