EL FIŁÒŁOGO – L’intełetuałe veroneze el se ga dedegà anca a’l studio de i testi e de łe epìgrafe antighe. Frecuentando ła Biblioteca Capitołare de Varona, l’è stà bon de descovèrzar manoscriti greghi dezmentegài da sècołi. Studiando łe scriture de ’sti łibri e de altri ancora, el ga aumentà łe conosiense de ła pałeografìa, ła disiplina revardante łe grafìe antighe e medievałe, canpo de studi inportante parché el parmete de conpréndar mejo i manoscriti e łe só datasion. Rezultadi de i só studi i ze stài i tratadi de epigrafìa e diplomàtega “Ars critica lapidaria” e “Istoria diplomatica”. El ga anca rancurà na cołesion vasta de iscrision łatine, greghe e etrusche so piera fondando inte’l 1720 el “Museo Maffeiano”, cueło che deso el ze conosùo cofà el Muzèo Łapidario de Varona.
Da’l Łunaro Veneto 2023, Apriłe in 4 artìgołi:
- APRIŁE/1 – SIPION MAFÈI (1/4)
- APRIŁE/2 – SIPION MAFÈI (2/4)
- APRIŁE/3 – SIPION MAFÈI (3/4)
- APRIŁE/4 – SIPION MAFÈI (4/4)
