EL STÒREGO – Cofà stòrego el se ga intaresà in partegołar a ła storia de ła Roma antiga e de ła só sità. Łe só do òpare pì corpoze, defati, “Del governo de’ Romani nelle provincie” e “Verona Illustrata”, łe revarda respetivamente łe modałità che co cuełe i Romani i ga governà łe só provinse e el pasà de Verona, co un zvardo che’l ciapa rento l’intiera area veneta. L’anàłize de łe istitusion de l’antighità ła ze, pa’l Mafèi, na fonte de ispirasion e un modeło anca pa’l prezente, soratuto inte i só studi el se fogałiza so ła cuestion de’l raporto tra autonomìe łocałe e sentrałizmo, un tema che’l sente sentrałe inte ła Repùblega veneta de’l só tenpo. Inportante anca el tratateło “De fabula equestris ordinis Constantiniani “, dove che Mafèi el demostra che la storia de i órdeni cavałereschi no ła remonta a prima de’l tenpo de łe Crozade.
Da’l Łunaro Veneto 2023, Apriłe in 4 artìgołi:
- APRIŁE/1 – SIPION MAFÈI (1/4)
- APRIŁE/2 – SIPION MAFÈI (2/4)
- APRIŁE/3 – SIPION MAFÈI (3/4)
- APRIŁE/4 – SIPION MAFÈI (4/4)
