Łe fortifegasion de Trevizo (3/4)

Fra’ Giocondo – El projeto de edifegasion de i muri renasimentałi de Trevizo el ghe ze stà afidà a’l frate domenegan Giocondo, umanista e architeto nato Verona inte’l 1433. L’è stà na figura de primo pian de l’architetura de Età Renasimentałe, sia miłitare che siviłe e rełijoza, meritàndose l’atension de Giorgio Vasari che’l ghe dèdega una de łe só Vite. Giocondo el ga projetà fortifegasion e cieze pa’l re de Nàpołi, cofà ła Capeła de i Pontano, dapò el deventa architeto de corte in Fransa, drioman el torna Venesia dove che el ze el primo a portar łe idèe architetòneghe claseghiste e vitruviane, l’òpara cofà inzenjer idràułego, el cołàbora renovar łe fortifegasion de Trevizo, Padoa, Łenjaro e Monséłeze. El va anca Roma da’l papa Zułio II mandàndoghe na pianta par ła recostrusion de ła Bazéłega de San Piero ispirà a cueła de San Marco.