Umanézemo Veneto (1/4)

ŁA REDESCOVERTA DE L’ANTIGO – Co ła paroła “umanézemo” A se ìndega chel parìodo, scomisià inte’l XIV sècoło, che’l vede un deziderio e un movimento forte de redescoverta de l’età antiga, inte łe só manifestasion łetararie, artìsteghe e culturałe. In partegołare łe łetaradure antighe grega e łatina łe deventa ojeto de cure fiłołòzeghe inderisàe a catar fora ła forma orizenałe de i testi, modifegài in sècołi e sècołi de trascrision che łe łi gaveva coroti, e a interpretar coretamente łe òpare e el mondo de i antighi, el só modo de vìvar e pensar. ‘Sta antighità cusì studià e amirà ła deventava ałora un modeło pa’l prezente, un pasà gloriozo da recipar e imitar par crear calcosa de novo. Ła nàsita de l’umanézemo ła ze comuncue graduałe e a conpir un paso inportante asà el ze l’anbiente de i studiozi padoani tra ’200 e ’300 co Łovato Łovati cofà fegura prinsipałe.

Da’l Łunaro Veneto 2022, Desenbre in 4 artìgołi:

  • DESENBRE/1 – ŁA REDESCOVERTA DE L’ANTIGO
  • DESENBRE/2 – EL SCOMISIO, PADOA
  • DESENBRE/3 – VITORIN E GUARINI
  • DESENBRE/4 – BESARION E ALDO MANUSIO
Dizitałizasion de’l testo de Desenbre 2022 de’l Łunaro Veneto 2022.
Reprodusion autorizà da Academia de ła Bona Creansa

Leggi altri articoli: