VITORIN E GUARINI – Tra ’300 e ’400 łe fegure prinsipałe de umanisti veneti łe ze Guarin Veroneze (1374-1460) e Vitorin da Feltre (1378-1446). El primo el ze stà uno tra i pì esperti studiozi e insenjanti de grego antigo, dopo che’l gaveva inparà ła łengua inte’l só viajo Costantinòpołi. El taca donca a zirar par varie sità, in partegołare Firense, Venesia, Verona e Ferara, atirando un nùmaro grando asà de studenti par via de ła só fama. El segondo, a’l servisio de i Gonzaga, el ga verto Màntoa ła prima scoła stàbiłe inte l’Europa łatina ndove ch’A se insenjase el grego antigo, in atività da’l 1423 a’l 1446. A’l de łà de łe materie varie prezente inte ła scoła, A ze intaresante notar ła vizion che Vitorin el ghe dava a’l sistema de l’insenjamento: i studenti, pòvari o siori che i fuse, i venjeva tratài in maniera conpanja, łe punision corporałe łe zera prategamente abołìe, A venjeva curàe, termenà el studio, łe disipline sportive.
Da’l Łunaro Veneto 2022, Desenbre in 4 artìgołi:
- DESENBRE/1 – ŁA REDESCOVERTA DE L’ANTIGO
- DESENBRE/2 – EL SCOMISIO, PADOA
- DESENBRE/3 – VITORIN E GUARINI
- DESENBRE/4 – BESARION E ALDO MANUSIO
