Umanézemo Veneto (4/4)

BESARION E ALDO MANUSIO – Do fegure fondamentałe par ła storia de i studi so łe òpare greghe antighe i ze sensa dubio el cardenałe Besarion (1403-1472) e Aldo Manusio (su par zo 1450-1515). El primo el ze stà un arsivéscovo bizantin inpenjà a reunir ła Cieza Catòłega e cueła Ortodosa parché el papa e i re catòłeghi i inviase trupe a deféndar Costantinòpołi. Fałìo el tentadivo e cajùa ła sità, Besarion el deventa catòłego e el papa el ło nòmena cardenałe. Besarion el se inpenja a rancurar su e conservar pì testi greghi posìbiłe, formando na biblioteca enorme che inte’l 1468 el ghe dona a Venesia ndove che ła fuse disponìbiłe par i intełetuałi bizantini scanpài. El segonod, Manusio, el ze na fegura fondamentałe par łe só inovasion in canpo tipogràfego. Manco noto A ze che el ga publegà łe prime edision a stanpa de na bona parte de i prinsipałi autori greghi antighi, cofà Aristòtełe, Platon, Tusìdide, Demòstene e tanti altri.

Da’l Łunaro Veneto 2022, Desenbre in 4 artìgołi:

  • DESENBRE/1 – ŁA REDESCOVERTA DE L’ANTIGO
  • DESENBRE/2 – EL SCOMISIO, PADOA
  • DESENBRE/3 – VITORIN E GUARINI
  • DESENBRE/4 – BESARION E ALDO MANUSIO
Dizitałizasion de’l testo de Desenbre 2022 de’l Łunaro Veneto 2022.
Reprodusion autorizà da Academia de ła Bona Creansa

Leggi altri articoli: