Veneta astronomìa (3/4): BEPI COŁONBO

BEPI COŁONBO – (Padoa, 1920 – Padoa, 1984) el ze stà on matemàtego, fìzego, astrònomo e inzenjer veneto, soranomenà “el mecànego de’l sieło”.

El se ga łaureà inte’l 1944 in matemàtega, darente l’Univarsità de Pava e, a partir da i ani ’60, el ga scumisià on parìodo łongo de cołaborasion co ła NASA in Merica.

In partigołar el ze stà ciapà rento ła mision de ła sonda “Mariner 10” (1974) che ła ga esplorà Vènare e Mercurio. El ga colaborà so’l łanso de ła sonda “Giotto”, par studiar ła cometa de Halley inte’l 1985. A partir da i ani ’70 el ga dezviłupà l’idèa de’l satèłite “in rèdene” (tethered) che ła se ga concretizà in do mision spasiałe de’l Space Shuttle inte i ani ’90.

A’l só nome scrito in łengua veneta A ghe ze stà dedegà l’asteròide “10387 Bepicolombo” e na mision de esplorasion de Mercurio. A porta el só nome (Separasion de Cołonbo) anca na fasa de sirca 100-150 km rento l’aneło “C” de i anełi de Saturno.

~

Da’l Łunaro Veneto 2019, Agosto in 4 artìgołi:

Dizitałizasion de’l testo de Agosto 2019 de’l Łunaro Veneto 2019.
Reprodusion autorizà da Academia de ła Bona Creansa