El 20 otobre 2018 – A ze stà łansià inte’l spasio ła mision de esplorasion de’l pianeta Mercurio denominà “BepiColombo” da’l nome de’l sèłebre astrofìzego veneto Bepi Cołonbo.
Ła mision ła ze mesa sù da l’Ajensìa Spasiałe Eoropèa (ESA) in cołaborasion co l’Ajensìa Spasiałe Japoneze (JAXA). Ła mision ła se fonda so do sonde che łe ga spesìfeghe de anàłeze difarente e un de i strumenti el se ciama BELA, a dir “BepiColombo Laser Altimeter”.
Ła mision ła ze stà intitołà a’l nome de’l siensiado veneto parché durando i só studi el gavéa descoverto l’acopiamento tra ła rodasion e ła revołusion de Mercurio, contribuindo cusita a’l dezvełupo de ła sonda mericana Mariner 10.
El fato che par na mision spasiałe A sipie stà doparà el nome de’l profasor scriest in veneto, de fato el rende ła łengua veneta on idioma mìa soło intarnasionałe ma parfin intarplanetario. L’intrada inte’l òrbita de Mercurio ła ze prevista par el desenbre 2025.
~
Da’l Łunaro Veneto 2019, Agosto in 4 artìgołi:
- AGOSTO/1 – Na paroła: PARAŁASE
- AGOSTO/2 – Un posto: ALTOPIAN DE I SETE COMUNI
- AGOSTO/3 – Un parsonajo: BEPI COŁONBO
- AGOSTO/4 – Un evento: 20 OTOBRE 2018
