Veneta matemàtega (1/4): ÀBACO

ÀBACO – Come strumento el zera conosùo da tute łe siviltà antighe. Fato de na tołeta retangołar co astezełe inpiantàe, el se doparava inpiràndoghe bałete dischi forà: un ojeto indespensàbiłe, vista ła rudimentałità de i sistemi de càlcoło.

El strumento el ga tacà a desparir za inte’l Medioevo cuando che in Europa A ze rivà łe sifre àrabe (e, in partegołar, el conseto steso de “zero”). Ancó, el ze doparà cofà strumento de didàtega enpìrega de i fondamentałi de’l càlcoło par i picenini.

El só nome el ne riva da’l łatin abacus, za de suo da’l grego αβαξ e fursi da l’ebràego abaq, che’l vołeva dir “tavołeta”. N’altro senjifegar de ła paroła, pì resente, el ze cueło de łibreto ełementar de aritmètega. Da łà, par estension, anca “arte de far de conto”.

El mudamento da “strumento par contar” a “arte de’l far de conto”, el se reporta a’l Liber abaci, de Fibonacci (1202), ndove che na parte ła ze dedegà a łe règołe pràteghe de l’aritmètega. In fondo, inte ła veneta Arte de l’Àbaco, A se insenja a far de conto metendo i nùmari rento tabełete, senpre tavołete donca.

~

Da’l Łunaro Veneto 2019, Setenbre in 4 artìgołi:

  • SETENBRE/1 – Na paroła: ÀBACO
  • SETENBRE/2 – Un posto: ŁUNA
  • SETENBRE/3 – Un parsonajo: JÀCOPO FRANSESCO RICATI
  • SETENBRE/4 – Un evento: “L’ARTE DE L’ABBACO”
Dizitałizasion de’l testo de Setenbre 2019 de’l Łunaro Veneto 2019.
Reprodusion autorizà da Academia de ła Bona Creansa

Leggi altri articoli: