Veneta matemàtega (3/4): JÀCOPO FRANSESCO RICATI

JÀCOPO FRANSESCO RICATI – (Venesia, 1676 – Trevizo, 1754) el ze stà un inportante matemàtego veneto, pare de Zordan Ricati za łu matemàtego, fìzego e architeto. Jàcopo Ricati el se ga inpiegà par studiar in partegołare l’idrodinàmega traverso de łe fòrmułe de ła mecànega newtoniana.

A ghe ze stà parfin oferta ła presidensa de l’Academia de łe Siense de San Pietroburgo, ma łu el ga denegà par no renunsiar a’l só stiłe de vita reservà. De fati el ga senpre vivesto co discresion tra Casteło e Trevizo.

Inte’l dì de ancó el ze recordà par na sorte de ecuasion difarensiałe ordenarie ciamàe “łe ecuasion de Ricati”. ‘Ste fòrmułe łe vien doparàe fin deso par resòlvar problemi de stima e controło inte’l canpo de ła navegasion spasiałe e sotomarina, pa’l funsionamento de i CD e DVD e inte łe aplegasion de biomedezina.

In só onor A ghe ze stà dedegà on asteròide co’l nome “14074 Riccati”.

~

Da’l Łunaro Veneto 2019, Setenbre in 4 artìgołi:

  • SETENBRE/1 – Na paroła: ÀBACO
  • SETENBRE/2 – Un posto: ŁUNA
  • SETENBRE/3 – Un parsonajo: JÀCOPO FRANSESCO RICATI
  • SETENBRE/4 – Un evento: “L’ARTE DE L’ABBACO”
Dizitałizasion de’l testo de Setenbre 2019 de’l Łunaro Veneto 2019.
Reprodusion autorizà da Academia de ła Bona Creansa