BIOGRAFÌA – “El fiłòzofo sołitario”: cusita A ze stà soranominà Andrèa Emo, fiłòzofo padoan de Bataja Terme nasùo inteʼl 1901 da pare de nòbiłe fameja veneta. Andrèa el pasa ła so zovinesa Roma, ndove cheʼl se iscrive a ła fagoltà de Łétare. A ze chive cheʼl deventa scołaro deʼl fiłòzofo Zuane Zentiłe, che i só corsi el sèita de bona voja e che arcuanta influensa i gavarà soʼl só pensier. A ze inte ʼsto parìodo cheʼl scuminsia scrìvar par conto suo i so noti cuaderni e par cuanto che ła sipie stà viva e prołìfega ła só produsion, łe só rełasion coʼl mondo acadèmego łe ze stàe isteso un fiantin poarete. I só studi sołitari, ła só visinansa ìntema co ła reserca teołòzega, co i autori sacri e ła mìstega i ga defati ʼvuo na influensa granda so ła só òpara. Par de pì ła so sernia de no łaurearse par inprofondir el studio de ła fiłozofìa da łu łu soło ła połe èsar considarà cofà vera e propia vocasion ezistensiałe e de reserca parsonałe soʼl parcorso cheʼl mena a ła varità.
Da’l Łunaro Veneto 2022, Otobre in 4 artìgołi:
- OTOBRE/1 – BIOGRAFÌA
- OTOBRE/2 – I CUADERNI
- OTOBRE/3 – PRINSIPIO
- OTOBRE/4 – DIAŁÈTEGA
