PRINSIPIO – Ła cuestion deʼl Prinsipio, a dir deʼl fondamento, lʼè cueła che pì de chełʼaltre ła ocupa łe specułasion emiane. Defati, seʼl Sojeto el ze ʼsto fogo che tuto el bruza, a dir sciantizo cheʼl fa fóra onji detarminasion ojetiva che ła vien ponesta, ałora A vołe dir che noʼl podarà far njente altro che negarse anca da łu łu soło. Cuało fondamento łora, se ze vero cheʼl se desfa drioman de onji detarminaison che ła vien ponesta? El Prinsipio noʼl połe èsar njanca mato un ente, baze sòłida che so ʼsta cuà A se połe far sù un sistema parfetamente ojetivo e nesesario, ma propio el njente, a dir cueło che no ze ente e che par raverso el fa fóra paʼ só natura onji detarminasion de cueło che ze ponesto cofà ente ojetivo. A ze anca paʼ sta razon cuà che Emo el denunsia ła zvargonja che lʼomo de i nostri tenpi el proa revardo a łe cuestion metafìzeghe, za che łe ga da èsar poneste a cao de tute chełʼaltre, ciapà rento anca ła vita pràtega e połìtega, se ʼste cuà A se vołe saverle drio ła só zusta natura.
Da’l Łunaro Veneto 2022, Otobre in 4 artìgołi:
- OTOBRE/1 – BIOGRAFÌA
- OTOBRE/2 – I CUADERNI
- OTOBRE/3 – PRINSIPIO
- OTOBRE/4 – DIAŁÈTEGA
