N’altro Veneto in Brazil (1/4)

QUARTA COLONIA – Cueła che ancó ła se ciama Quarta Colônia (anca dita Colônia Silveira Martins) inte’l Stato de’l Rio Grande do Sul; ła ze stà el cuarto nùcreo de cołonizasion, fato su nte’l 1877, nte chel Stato de’l Braziłe, par resévar i imigranti da’l nordest de ła pena unefegà Itałia, nte ła só majoransa veneti, ma anca furlani e łonbardi. Łe tre prime cołonie łe ze incói munisipi de Garibaldi, Bento Gonçalves e Caxias do Sul. Adeso, A fa parte de ła Quarta Colônia nove munisipi, tacàndoghe insieme coełi darento rezion orizenal de ła cołonizasion, e coełi che i ghe ze łigài, par cuestion de migrasion, cultura, zeografìa, o anca mobiłità rezional: Agudo, Dona Francisca, Faxinal do Soturno, Ivorá, Nova Palma, Pinhal Grande, Restinga Seca, São João do Polêsine e Silveira Martins.