N’altro Veneto in Brazil (2/4)

TRADISION, ŁENGUE, EMIGRASION – Łe tradision de orìzene e łe łengue veneta e furlana łe se mantien vive nte ła Quarta Colônia, séndoghe ojeto de reserca nasional e intarnasional. El ze intaresante notar che inte ‘ste comunità anca seben che onji fameja ła se doparava ła só łengua mare de orìzene, isteso inte łe comunità A ga tacà farse vanti de doparar el veneto cofà łengua comun de ła sosietà, vista anca ła majoransa de venetòfoni. In serca de na conesion co ła tera mare, i imigranti i ga fato su comunità conpanje de łe só orìzene, cofà Vale Vêneto, Nova Údine, Novo Treviso, Linha dos Mantuanos, Val de Buia, Val Feltrina e Val Veronês. A Silveira Martins, darente a Val de Buia, primo posto ndoe che ne rivava i imigranti, A se cata na costrusion in onor a l’imigrante itałian, cołonizador de ła Quarta Colônia.