EL MONTE GRAPA E VALE VENETO – A Ivorá, che ła zera ła sità de Nova Ùdene, A se cata el Monte Grapa Braziłian, co 520 metri de altesa, ciamà in onor a ła montanja fursi pì famoza che se vede da ła pianura de ła tera mare. El ndar su el se fa a piè nte na strada che ła raprezenta ła Via Crucis. Nte ła ponta A se cata el capitel de ła Madona de ła Guardia e na pìcoła cieza par pregar. Poco distante ła frasion de Vale Vêneto, a São João do Polêsine, el ze un de i pì inportanti refarimenti culturałi e patrimoniałi de ła Quarta Colônia, co el muzèo de l’imigrante, ła Cieza de Corpus Christi e el Festival Intarnasional de Inverno, fato tuti i ani, co ła man de ła Univarsità Fedaral de Santa Marìa. Benvenjesti tuti a ła Quarta Colônia, un toco de’l Veneto nte’l cor de’l Stado de’l Rio Grande do Sul, Brazil.
Da’l Łunaro Veneto 2023, Otobre in 4 artìgołi:
- OTOBRE/1 – N’ALTRO VENETO IN BRAZIL (1/4)
- OTOBRE/2 – N’ALTRO VENETO IN BRAZIL (2/4)
- OTOBRE/3 – N’ALTRO VENETO IN BRAZIL (3/4)
- OTOBRE/4 – N’ALTRO VENETO IN BRAZIL (4/4)