N’altro Veneto in Brazil (4/4)

SENTRO DE RESERCHE ZENEAŁÒZEGHE – A Nova Palma, A se cata el Centro de Pesquisas Genealógicas (Sentro de Reserche Zeneałòzeghe), pensà e fazesto su inte’l 1984 da’l Prete Luiz Sponchiado. ’Sto Sentro de Reserche el ze de na inportansa granda parché el ga nte ła só cołesion documenti e testi orizenałi so ła storia, cronołozìa e zeneałozìa de scuazi tute łe fameje che łe ga cołonizà ła Quarta Colônia, e anca so łe só sità de orìzene, el rivar nte Brazil e dopo inte ła Quarta Colônia, łétare, someje, date de partensa e de rivo, batezi, matrimoni e morte de i imigranti e só desendenti. El Sentro el sèita a métar sù reserca ancora inte ’sti dì, tenjendo in salvo ’sti dati fin łe zenarasion de adeso e ndando indrìo el pì che se podeva par tute łe fameje. Tanti i ga donà carte e foto de fameja par zontarle a i arcivi parochiałi che i ze stà el fondamento de ’sta òpara de storia e de memoria.

Da’l Łunaro Veneto 2023, Otobre in 4 artìgołi:

  • OTOBRE/1 – N’ALTRO VENETO IN BRAZIL (1/4)
  • OTOBRE/2 – N’ALTRO VENETO IN BRAZIL (2/4)
  • OTOBRE/3 – N’ALTRO VENETO IN BRAZIL (3/4)
  • OTOBRE/4 – N’ALTRO VENETO IN BRAZIL (4/4)
Dizitałizasion de’l testo de’l meze de Otobre de’l Łunaro Veneto 2023.
Reprodusion autorizà da Academia de ła Bona Creansa

Leggi altri articoli: