Alpinizmo veneto (1/4): DOŁOMITE

DOŁOMITEŁe Dołomite łe ze un grupo montuozo de łe Alpe, che’l se dezviłupa pì de tuti in Veneto inte ła provinsa de Bełun.

El nome el vien da’l franseze Déodat de Dolomieu, che intra’l 1750 e’l 1801 el ga studià ła sorta de minerałi prezenti inte ‘ste zone e’l ghe ga dato el nome de “dołomia” a ła prìa che ła forma ła major parte de ‘ste montanje.

Ła partegołar conpozision chìmega de ła dołomia ła fa sì che, co ła łuze de’l sol ła ghe bate doso, i fianchi de łe Dołomite i ciape un cołor roza: ‘sto fenòmano el ze conosùo come enrosadira, che inte i sècołi el ga fato nàsar racuante łejende popołare.

Sime inportante de łe Dołomite łe ze: ła Marmołada, el Pelmo, el Suita, łe Tofane, l’Antełào, l’Anjer.

~

Da’l Łunaro Veneto 2020, Desenbre in 4 artìgołi:

  • DESENBRE/1 – DOŁOMITE
  • DESENBRE/2 – MARMOŁADA
  • DESENBRE/3 – LINO LACEDELLI
  • DESENBRE/4 – VAIA
Dizitałizasion de’l testo de Desenbre 2020 de’l Łunaro Veneto 2020.
Reprodusion autorizà da Academia de ła Bona Creansa