Alpinizmo veneto (2/4): MARMOŁADA

MARMOŁADA – Ła sima pì alta de łe Dołomite, che ła se cata a’l confin tra łe provinse de Bełun e Trento, ła ze ła Marmołada. Ciamada anca “ła Rejina de łe Dołomite”, ła ze stà scałada par ła prima volta da’l vieneze Paul Grohmann inte’l 1864 da’l varsante nord.

Ła ga el só ponto pì alto a i 3343 m de Ponta Penìa, dove che A se pol rivarghe partindo a pie da’l Paso Fedaia, e dopo o travarsando el jasaro de ła Marmołada o fazendo ła via ferada par ła cresta ovest.

Inte i ani de ła Prima Guera Mondiałe so ła Marmołada A ze stà conbatùe racuante bataje tra i ezèrsiti itałian e ostrìago, tanto che inte’l 1990 A ze stà inaugurà el Muzèo de ła Guera Granda in Marmołada dove che A se pol catar resti e reperti stòreghi de gran intarese.

~

Da’l Łunaro Veneto 2020, Desenbre in 4 artìgołi:

  • DESENBRE/1 – DOŁOMITE
  • DESENBRE/2 – MARMOŁADA
  • DESENBRE/3 – LINO LACEDELLI
  • DESENBRE/4 – VAIA
Dizitałizasion de’l testo de Desenbre 2020 de’l Łunaro Veneto 2020.
Reprodusion autorizà da Academia de ła Bona Creansa

Leggi altri articoli: