Alpinizmo veneto (3/4): LINO LACEDELLI

LINO LACEDELLITra i grandi nomi veneti che i ga fato ła storia de l’alpinizmo, uno de i pì famozi e conosùi el ze cuel de Lino Lacedelli.

Nato a Cortina inte’l 1925, el ze pasà a ła storia par èsar stà co Achille Compagnoni el primo a ver scałà el 31 łujo 1954 i 8609 m de’l K2, segonda montanja pì alta a’l mondo.

Dopo łe prime scałade so łe Dołomite, che łe ghe ga parmeso de intrar inte’l grupo de ranpegadori de i “Scuriàtołi de Cortina”, inte’l 1953 el ze stà ciamà da’l profasor Ardito Desio par far parte de ła spedision itałiana a’l K2, inte’l Karakorum pakistan.

Dopo pì de do mezi de tentadivi e mìa sensa calche połèmega, ła spedision ła ga concuistà ła sima e Lacedelli el ze stà insinjìo de ła medaja de oro a’l vałor siviłe pa’l notévołe rezultado alpinìstego che in chiłi ani el ga fato notisia.

~

Da’l Łunaro Veneto 2020, Desenbre in 4 artìgołi:

  • DESENBRE/1 – DOŁOMITE
  • DESENBRE/2 – MARMOŁADA
  • DESENBRE/3 – LINO LACEDELLI
  • DESENBRE/4 – VAIA
Dizitałizasion de’l testo de Desenbre 2020 de’l Łunaro Veneto 2020.
Reprodusion autorizà da Academia de ła Bona Creansa