El Bucintoro e ła Sensa bis (2/4): CANAL DE ŁEME

So’l Canal de Łeme el mar el ga na profondità de 20-30 metri e ła partegołarità de ‘sto canałe ła ze che inte łe do sponde, par via de na espozision difarente a’l sołe, A ghe ze tipi difarenti de piante: so cueła a nord verso de Orsera A ghe ze zinestre, éłezi e łentisci, invese so cueła verso de Rovinjo A ghe ze fràsino, róvari e cornołari.

Ła zona a nord  ła ze piena de grote e de cóvołi e propio so ‘ste grote A par che i pirati narentani, na popołasion de orìjine zlava che ła provenjeva da ła Cracovia, i se scondese e i se ghese inpenjài inte ła piratarìa fazéndoghe da conbàtar a i Venesiani so l’Adriàtego e descaenando ła spedision de’l Doze Piero Orsèoło II par conbàtarli, partìa el dì de ła Sensa de l’ano 1000 d.C.

~

Da’l Łunaro Veneto 2020, Febraro in 4 artìgołi:

  • FEBRARO/1 – EL BUCINTORO
  • FEBRARO/2 – CANAL DE ŁEME
  • FEBRARO/3 – PIERO ORSÈOŁO II
  • FEBRARO/4 – FESTA DE ŁA SENSA
Dizitałizasion de’l testo de Febraro 2020 de’l Łunaro Veneto 2020.
Reprodusion autorizà da Academia de ła Bona Creansa

Lascia un commento