El "Péso", clasifegasion e nome veneto (3/4): CARL VON LINNÉ

CARL VON LINNÉ – (Råshult, 23 majo 1707 – Uppsala, 10 zenaro 1778, Carlo Linneo inte i testi itałiani) el ze sta un mèdego, botànego e naturałista Svedeze.

El ze el pare de ła clasifegasion sientìfega de i èsari viventi. Inte ła nomenclatura binomia de’l Péso, A caten a ła fin de’l nome sientìfego Picea abies (L) H.Karst., na L che ła sta par dir l’inisiałe de chi che’l ło ga clasifegà par primo, inte ‘sto cazo propio Linné.

Ła scrita H.Karst invese ła sta par Hermann Karsten che’l ze n’altro botànego che’l ga corezesto el zènare in Picea che in orìzene el zera stà metesto da Linné nte’l zènare Pinus.

El péso el gavarìa un sinònemo che’è sarìa Picea excelsa Link, scurtaroła che ła sta par el botànego todesco Johann Heinrich Friedrich Link. A se pol catar tuti du i nomi in volta, parò el mejo doparà el ze cueło de Linné.

~

Da’l Łunaro Veneto 2019, Desenbre in 4 artìgołi:

  • DESENBRE/1 – Na paroła: PICEA ABIES
  • DESENBRE/2 – Un posto: EL PÉSO
  • DESENBRE/3 – Un parsonajo: CARL VON LINNÉ
  • DESENBRE/4 – Un evento: ŁA PIANTA
Dizitałizasion de’l testo de Desenbre 2019 de’l Łunaro Veneto 2019.
Reprodusion autorizà da Academia de ła Bona Creansa