QUERCUS PETRAEA (Mattuschka) Liebl. – El Róvare (Quercus petraea), fameja de łe Fagaceae, pianta inportante par i utiłizi artezanałi sia da un ponto de vista sacrałe sora de tuto par i Sinbri.
A se dizea che inte onji contrada i gavese un Róvare ndove che se se radunava anca par ocazion pùbleghe. El ze una de łe tre Quercus pì inportante che ghen in Venetia co ła Quercus pubescens Willd., che ła sarìa ła rovareła, e ła Quercus robur ciamà farnia.
Na caratarìstega partegołare de’l Róvare, par difarensiarlo da cheł’altre do, ła ze ła gianda sèsiłe, a dir sensa picioło, donca ła ze picà direta so’l ramo.
A se pol sentir ciamarlo anca Rore o giandara parò ‘sto ùltemo el ze un nome che’l vol dir tuto e njente parché tute łe Quercus łe fa giande.
~
Da’l Łunaro Veneto 2019, Zunjo in 4 artìgołi:
- ZUNJO/1 – Na paroła: QUERCUERCUS PETRAEA
- ZUNJO/2 – Un posto: ŁA QUERCUS PETRAEA
- ZUNJO/3 – Un parsonajo: PAPA JUŁIO II DE ŁA RÓVARE
- ZUNJO/4 – Un evento: EL RÓVARE
