El róvare (2/4): ŁA QUERCUS PETRAEA

ŁA QUERCUS PETRAEA – ła ze na pianta sparpanjà un fià dapartuto ‘nte łe nostre cołine e ła vive so na fasa climàtega simiłe a n’altro só parente, el Castanjaro (Castanea sativa), ła apresa un teren co substrato àsido e ła tòłera anca perìodi łonghi de seco avendo łe raize che łe łaora zó profondo.

Frecuente in tuta Europa, ła ze senpre stà coltivà par el łenjo prezà. Utiłizà sora de tuto par far trave, bóte, seramenti evc., invese i róvare de seconda sielta i venjéa speso doparài come pałi par ła senjałètega łagunare.

Ła ze na pianta asà siora de tanini, na sostansa che ła juta a mantenjer el łenjo san e donca che ła rendéa i pałi naturalmente rezistenti par ani, anca mèzi rento e mèzi fora da l’acua.

~

Da’l Łunaro Veneto 2019, Zunjo in 4 artìgołi:

  • ZUNJO/1 – Na paroła: QUERCUERCUS PETRAEA
  • ZUNJO/2 – Un posto: ŁA QUERCUS PETRAEA
  • ZUNJO/3 – Un parsonajo: PAPA JUŁIO II DE ŁA RÓVARE
  • ZUNJO/4 – Un evento: EL RÓVARE
Dizitałizasion de’l testo de Zunjo 2019 de’l Łunaro Veneto 2019.
Reprodusion autorizà da Academia de ła Bona Creansa

Leggi altri articoli: