El soturco, meregan? (4/4): DA’L MAIS A ŁA POŁENTA

DA’L MAIS A ŁA POŁENTA – El Mais el ze stà introdoto in Europa daspò de ła descoverta de l’Amèrega, za nte’l 1550 e el vien coltivà nte ła Repùblega Veneta prensipalmente par scopo de studio (erbari) da botàneghi e curiozi de ła pianta.

Par calche tenpo el Mais el ze sta coltura zlevà da orto o par l’ałimentasion de łe bestie. El só uzo nte ła ałimentasion umana el ze atestà inte’l 1556 co l’inisio de ła coltivasion pì estensiva de ła pianta.

Drio el studio de l’Otosento fat da Luigi Messedaglia, par verità i primi in Europa a doparar łe semense de ła “panocia” par secarle, mazenarle a farina e cuzinarla a deventar ła famoza “połenta”, i sarìa stà proprio i Veneti, fato che in Spanja łe panocie i łe doparava inisialmente par decorasion.

~

Da’l Łunaro Veneto 2021, Febraro in 4 artìgołi:

  • FEBRARO/1 – MÀIS
  • FEBRARO/2 – VAL DE’L TEHUACÁN
  • FEBRARO/3 – EL GRAN TURCO
  • FEBRARO/4 – DA’L MAIS A ŁA POŁENTA
Dizitałizasion de’l testo de Febraro 2021 de’l Łunaro Veneto 2021.
Reprodusion autorizà da Academia de ła Bona Creansa

Leggi altri articoli: