Ła giosa ła scava ła piera (1/4)

GUTTA CAVAT LAPIDEM – Un famozo dito łatin el rèsita “ła giosa ła scava ła piera”, come che’l ne demostra el torente Ardo, in Val Bełuna. Co tenpo e pasiensa, venjendo zo da’l monte Sciara, el ga creà so’l só parcorso un pìcoło e streto canyon, conosùo cofà “i brent de l’Art”, dove che “brent” in veneto bełuneze A vol dir “corso de acua” e “Art” l’è el nome de’l torente Ardo. Ła bełesa partegołare de ’sta òpara che ła natura ła ne ofre ła ze data da ła forma sinuoza de’l canyon, scavà da l’acua e da’l continuo atrito co i sasi che ła fa móvar, e da’l cołor de łe parede, a volte roso maton, altre biancastro, altre ancora grizo-verdołin.