Ła Sasìfraga de i Monti Bèreghi (4/4)

L’HABITAT – Ła pianta ła se cata solche so i Monti Bèreghi, tra i 50 e i 400 metri de altesa, torno a ła frasion de Łuminjan. Ła crese soratuto in scansi naturałi soto łe crode, in cóvołi o in anbienti richi de sasi calcarei, in aree coverte, ùmide e in onbra. Ła scarsa estension de’l só areałe e łe condision de’l só habitat łe ga fato pensare che el sie un rełito de època glasałe, restà confinà inte i miłeni so i Bèreghi co ła fine de l’ùltema glasasion. Ła fiorìa ła càpita in apriłe e in majo, anca se drio l’andamento stajonałe ła połe èsar antisipà za a febrero-marso. Ła soravivensa de ła spese, co un nùmaro atualmente ridoto a manco de 1000 ezenplari, ła ze menasà da łe atività umane, in partegołare da ła ranpegada sportiva, siché ła pianta ła ze deventà ojeto de tuteła da parte de ła Rejon Veneto e de l’Union Europèa.