UN DRAGO VENETO A MONTE CARLO – ‘Sta conpetision intarnasionałe ła ze una de łe pì sełebre e inportante pa’l mondo dei rally. El piłota veneto Sandro Munari, nasesto a Cavàrzare inte’l 1940, el ga vinsesto cuatro edision de’l Rally de Monte Carlo tra’l 1972 e’l 1977: na volta co ła Lancia Fulvia 1.6 HF e tre volte co ła mìtega Lancia Stratos HF.
Munari, conjosesto intarnasionalmente da tuti co’l soranome de “Drago de Cavàrzare“, el ga łigà ła só cariera e i só sucesi a ła Lancia, łaureàndose pì volte Canpion Itałian (1967-1969), Eoropeo (1973) e, inte’l 1977, vinsendo el Canpionado de’l Mondo Rally (Copa FIA Piłoti). Daspò de èsarse retirà da łe conpetision, el Drago el ze deventà istrutor de corsi de guida segura inte’l autòdromo de Adria da łe bande de’l rovigoto.
~
Da’l Łunaro Veneto 2021, Łujo in 4 artìgołi:
-
ŁUJO/1 – DA’L MONTEŁO A L’ALFA ROMEO
- ŁUJO/2 – A PADOA ŁA PRIMA AZIENDA AUTOMOBIŁÌSTEGA
-
ŁUJO/3 – UN DRAGO VENETO A MONTE CARLO
-
ŁUJO/4 – FORNASARI 99, EL SUV VENETO
Dizitałizasion de’l testo de Łujo 2021 de’l Łunaro Veneto 2021.
Reprodusion autorizà da Academia de ła Bona Creansa
