I Veneti inte ła storia de ła siensa bis (3/4): IŁUMINIZMO VENETO

IŁUMINIZMO VENETO – Co’l tacar de’l XVIII sècoło in Europa A nase ła stajon iłuminìstega. Anca i intełetuałi de ła Venetia i entra inte ‘sta realtà, seben speso ła mancansa de reforme połìtego-costitusionałe ła fa somejar che i teritori de ła Serenìsima i fuse culturalmente dezintaresài a łe novità in ato.

In realtà ła Repùblega ła gaveva da senpre mantenjesto un roło sentrałe inte ła cultura europèa soratuto co na siora editorìa (cofà i Remondini) e l’Atenèo Patavin el conose deso na serie de anpliamenti struturałi (un muzèo de storia naturałe, un oservatorio astronòmego evc.).

Figure inportante cofà Sipion Mafèi e Andrèa Tron łe spenze pa’ canbiamenti połìteghi e sosiałi o i pitori Piero Łonghi, Canałeto, Fransesco Guardi.

~

Da’l Łunaro Veneto 2021, Marso in 4 artìgołi:

  • MARSO/1 – CRISTINA ROCCATI

  • MARSO/2 – ACADEMIA DE I CONCORDI
  • MARSO/3 – IŁUMINIZMO VENETO

  • MARSO/4 – NATIONES UNIVARSITARIE

Dizitałizasion de’l testo de Marso 2021 de’l Łunaro Veneto 2021.
Reprodusion autorizà da Academia de ła Bona Creansa

Leggi altri articoli: