Ła Marca Zojoza (1/4): SCARABOCIO

SCARABOCIO – el ze un antigo zogo de carte veneto, resałente a’l 1500, che’l vien uncora zogà inte’l trevizan. El ze anca ciamà foracio.

El ze asè somejante a ło scovon e de fati A ghe ze i asi che i ciapa tuto. A se zoga co’l maso de 52 carte trevizane – donca co ła zonta de 8, 9 e 10 – sconpartìe in cope, danari, bastoni, spade. I vałori i va da l’uno a’l trèdeze.

A se zoga in cuatro zogadori sconpartii in do copie. A se fa sù ponti de man co i onori: 2 de spade, vecia de spade, 10 beło, spade e carte. E se fa sù ponti de zogo co ła Nàpołi e co łe scoe. Ła partìa ła vien vinta da ła copia de zogadori che par prima ła vanta, o ła va oltra, i 71 ponti.

Na variante de’l scarabocio ła se ciama zobełon: inte ‘sto zogo A se scumisia ła partìa co 4 carte descoverte in toła.

~

Da’l Łunaro Veneto 2020, Marso in 4 artìgołi:

  • MARSO/1 – SCARABOCIO
  • MARSO/2 – FONTANA DE ŁE TETE
  • MARSO/3 – LUCIANO VINCENZONI
  • MARSO/4 –FÈSTIVAL DE CANNES
Dizitałizasion de’l testo de Marso 2020 de’l Łunaro Veneto 2020.
Reprodusion autorizà da Academia de ła Bona Creansa

Lascia un commento